गया : बिहारमधील गया येथे दहावीच्या विद्यार्थिनीवर बलात्कार झाल्याची धक्कादायक घटना घडली आहे. मानवतेला काळीमा फासणाऱ्या या घटनेने संपूर्ण गया हादरून गेला.
आरोपीने गुन्ह्याचा व्हिडिओ बनवला आणि पीडितेला धमकावले. आरोपीने बहिणीवर बलात्कार करून भावाला जीवे मारण्याची धमकी दिली.
मिळालेल्या माहितीनुसार, गया जिल्ह्यातील एका दुर्गम गावात एका अल्पवयीन मुलीवर बलात्कार झाल्याचा व्हिडिओ समोर आला होता.
त्यानंतर तिने तिच्यासोबत घडलेला प्रकार सांगितला आणि आरोपीने तिच्यावर बलात्कार करून भावाला जीवे मारण्याची धमकी दिली. या तरुणीने वैतागून आत्महत्या करण्याचा प्रयत्न केला. त्याचवेळी स्थानिकांनी तिची सुटका केली.
हा गुन्हा एका पोलीस अधिकाऱ्याच्या मुलाने केला होता. हा लैंगिक अत्याचार करताना त्याने मित्रांच्या मदतीने या गैरप्रकाराचा व्हिडिओ बनवला.
आरोपीने पीडितेला गप्प बसण्यासाठी धमकावले होते. या त्रासाला कंटाळून तरुणीने आत्महत्येचा प्रयत्न केला, मात्र लोकांनी तिला ऐनवेळी वाचवले.
त्यानंतर पीडितेच्या कुटुंबीयांनी स्थानिक पोलीस ठाण्यात तक्रार दाखल करण्याचा प्रयत्न केला. मात्र, पोलिस ठाण्यात गेल्यानंतर तक्रारदारांना धमकावण्यात आले. याबाबत कुठेही वाच्यता करू नका, असे त्यांना सांगण्यात आले.
पीडितेने घडलेला प्रकार कुटुंबीयांना सांगितला. गावातील एका तरुणाने तिच्यावर बलात्कार केला. त्याच्या इतर मित्रांनी त्याचा व्हिडिओ बनवला. घरच्यांना सांगितल्यास बहिणीलाही असेच करेन अशी धमकी त्याने दिली.
या त्रासाला कंटाळून तिने आत्महत्येचा प्रयत्न केला. गावाजवळील टेकडीवरून चालत असताना पीडितेला स्थानिकांनी वाचवले. या घटनेची वरिष्ठ पोलीस अधीक्षकांनी दखल घेतली असून या घटनेत सहभागी असलेल्या आरोपींवर लवकरच कारवाई केली जाईल, असे त्यांनी सांगितले.
